2013 戰戰兢兢俄羅斯+波羅的海三國+波蘭之旅 ~ 交通及住宿

08-06-2013      香港 --> 莫斯科 (MOSCOW)
交通:    AEROFLOT (直航)



住宿:    Da Hostel (位於ARBAT STREET)
位置都算方便,樓下有好多餐廳選擇,但唔建議WEEKEND入住,因為條街好嘈。


分享1  出發前上網見好多人都話AEROFLOT經常有DELAY情況,可能因為有定心理準備,而最後都只係DELAY咗一個鐘,所以已經覺得好感恩。
分享2  莫斯科入境排隊足足等咗一個鐘,入境職員好仔細咁睇每一本PASSPORT,到我老公過關時佢仲叫我老公企埋一邊等,HOLD住咗佢本PASSPORT,但又無講明咩事... 好彩唔只我老公一個比人截埋,如果唔係真係好驚,最後再過多20分鐘佢再叫我老公,然後順利過關。 其實到而家我哋都未知咩事,不過氣氛真係令人好緊張。
分享3  機場提款方面,由於我用舊款"PLUS"咭而不是銀聯咭,因此提款不是太大問題。若然是銀聯咭則請考慮是否帶定現鈔找換,因為真係純粹睇彩數,朋友在機場試了多部提款機都失敗。


09-06-2013      莫斯科市內觀光


10-06-2013      莫斯科 --> 金環 莎哥斯基城(ZAGOROSK) --> 莫斯科
交通:    來回火車,即時火車站購買。當由於言語不通,幸好有好心人協助,如果唔係都唔知要攪幾耐。


11-06-2013      莫斯科 --> 聖彼得堡 (ST PETERSBURG)
交通:    AEROFLOT (1.5小時)
一般背包客都會選擇坐夜間火車去聖彼德堡,而我們今次坐飛機,原因  都只有一個....因為機票比火車費平囉! 所以如果坐開俄航不防順便睇睇 XP
住宿:    Prima Sport by the Hermitage (位於穩士廬博物館Hermitage Museum附近)
由於旅店位於9(有一部電梯,但唔敢搭,亦從未見人搭),因此絕不建議年長人士及帶大型行李人士入住。 另外,聖彼得堡夏天多蚊,原本酒店安排了一間不設蚊網房間,房間內有十多隻蚊,場面真係好可怕,幸好向酒店反映及要求下改為一間設有蚊網的房間,才可安心入睡。
分享:    吸蚊人士切記一定要做好防蚊準備!並要了解入住地方是否有蚊網等設備,因為旅店好多時唔開冷氣。


12-06-2013      聖彼得堡周邊遊
其實只要一離開莫斯科,到達聖彼得堡時,成個人唔知咩原因,只係覺得輕鬆晒。喺莫斯科,無論旅遊區又好、餐廳又好,總有一種令人透不到氣嘅壓力。相反,聖彼得堡給人感覺友善得多。


13-06-2013      聖彼得堡 --> 愛沙尼亞塔林 (TALLINN)
交通:    夜車 (SIMPLE EXPRESS),普通大巴,唔算好舒服,但都OK
分享:    離開俄羅斯又係一次有驚無險嘅經歷。話說同車有幾個講英文嘅旅客被扣留,唔可以出境,要等到早上大使館開先可以處理。而我哋則比職員要求提供其餘行程資料,好彩我有整理開同隨身攜帶,佢哋睇好耐,之後都係比我哋走真係好驚LAW… 如果我哋好似班外國人,都真係唔知點算好,成個PLAN一定亂晒。所以在俄羅斯出入境時千萬不要禧皮笑臉,要嚴肅,否則...
                                ANYWAY,離開俄羅斯又係一個新嘅旅程,新體會。



14-06-2013      塔林古鎮遊蹤
住宿:    Tabinoya Tallinn'S Travellers House (近城堡山入口)
由一位日本BACKPACKER開的旅館,北歐式設計,給人好舒服的感覺。 店員態度十分友善,最重要係我們很早到達,店員依然願意開門及讓我們於COMMON ROOM休息梳洗。 是極度值得推薦旅館。


15-06-2013      塔林 --> 拉脫維亞里加(RIGA)
交通:    大巴 (LUX EXPRESS),超正、超舒服。 可以叉電,又有WIFI… 真係一分錢一分貸。
住宿:    Red Nose Hostel (St. John Church)
                http://www.rednose.lv/
好有個性的青年旅舍,不過就係因為太有個性,吸引太多年青人,所以好嘈同好騷擾。(我已經唔係18/22,所以我早已離開一大班人一齊胡鬧的快樂年代,因此以上COMMENT係有BIAS) 但剔除客人問題,呢間HOSTEL真係好舒服XDDD


16-06-2013      里加 --> 立陶苑十字架山 (SIAULIAI) --> 維爾紐斯 (VILNIUS)
交通:    由里加到SIAULIAI - Olego Transportas,細車 (不過應該無其他選擇)
SIAULIAI來回十字架山Kryžių Kalnas – 當地巴士 + 步行 (沿途燈柱有個大鳥巢) P.S. 巴士好疏,緊記問埋回程時間
SIAULIAI到維爾紐斯 巴士,可直接係巴士站購票。不過我坐果架巴士一D都唔舒服,仲超熱&>.<
住宿:    Come To Vilnius Hostel (近巴士、火車站)
                http://www.cometovilnius.eu/
旅舍主人好親切友善。有洗衣服務,另女主人會親自落場煮早餐。 不過步行到市中心有D遠,同條街有D靜,不過都應該安全。




17-06-2013      VILNIUS --> 波蘭GDANSK
交通:    夜車,一日只有一班,舒適度一般,我仲竟然暈車浪@.@


18-06-2013      GDANSK
住宿:    Riverside Hostel Gdansk (GREEN GATE附近)
                https://www.facebook.com/RiversideHostel
HOSTEL雖然唔近車站,不過都係可步行距離。另外,由於HOSTEL位於河邊,感覺很舒服,真係好難得住HOSTEL都有河景囉。不過,洗手間格數較少,而且男女共用,所以就真係唔太方便。




19-06-2013      GDANSK --> MALBORK --> 華沙 (WARSAW)
交通:    GDANSKMALBORK – 火車
由火車站行去城堡要至少20分鐘,坐的士都係大約HKD50,不過回程唔好老定,因為城堡附近係搵唔到的士,所以一定要預留回程時間。
MALBORKWARSAW – 火車 (熱騰騰火車)
住宿:    Moon Hostel (係皇者之路H&M附近)
火車站坐的士都係約HKD50,去機場約HKD100
旅舍整齊清潔,部份房間有獨立洗手間,仲有露台。樓下好熱鬧,有各式各樣餐廳及酒吧。


20-06-2013      華沙HEAHEA
分享:    波蘭物價超平,食餐好,据個排,飲杯酒都係HKD100,完全估唔到係歐洲食好野可以咁平。


21-06-2013      華沙 --> 克拉科夫 (KRAKOV) --> 華沙
交通:    來回火車,可在火車站直接購票,不過需預先睇啱時間,因為班次都唔係好密。
克拉科夫去鹽礦則搭當地巴士便可。


22-06-2013      華沙 --> 香港
交通:    AEROFLOT,係莫斯科轉機。
雖然TERMINAL唔同,但唔需要入境(不過都有PASSPORT CONTROL COUNTER檢查),各TERMINAL係相連,跟指示行就可。



23-06-2013      香港

留言

這個網誌中的熱門文章

2017 日本四國偷偷去

2014 日本中部自在行

2014 HOLA MEXICO - DAY 5 TAXCO