2013 戰戰兢兢俄羅斯+波羅的海三國+波蘭之旅 ~ 第一天：令人緊張的莫斯科

乘搭俄航AEROFLOT 直航由香港飛往俄羅斯首都莫斯科(MOSCOW)。 機上雖然有靚空姐、型空少，但他們都係MR. & MS. COOL，笑容欠奉。 除此之外，基本上飛機都好穩定舒適，食物質素也不差吧！再者，出發前上網都見好多人話AEROFLOT經常會有DELAY情況，可能因為有定心理準備，而最後都只係DELAY咗一個鐘，所以已經覺得好感恩。

在莫斯科入境排隊足足等咗一個鐘，入境職員好仔細咁睇每一本PASSPORT，到我老公過關時佢仲叫我老公企埋一邊等，HOLD住咗佢本PASSPORT，但又無講明咩事... 好彩唔只我老公一個比人截埋，如果唔係真係好驚，最後再過多20分鐘佢再叫我老公，然後順利過關。 其實到而家我哋都未知咩事，不過氣氛真係好緊張。

離開莫斯科機場已是晚上7:00，幸好我們選擇夏令時間到歐洲，所以天還是很光。在機場ATM提款後，我們立刻坐小巴(70RB)到地鐡站轉地鐡(30RB)往我們今晚住宿旅舍地點 - 阿伯特街(ARBAT STREET)。

住：Da Hostel (http://da-hostel.com)，位置雖然方便，樓下有好多餐廳選擇，但唔建議WEEKEND入住，因為條街真係好嘈。

 

小心得： 在機場提款，由於我用舊款"PLUS"咭而不是銀聯咭，因此提款不是太大問題。若然是銀聯咭則請考慮是否帶定現鈔找換，因為真係純粹睇彩數，朋友在機場試了多部提款機都失敗。