2014 日本中部自在行

同何生突然無端端攞咗9日假期,我哋當然唔會放過任何一個去旅行嘅機會。 原本我哋想去尼泊爾,可惜機票實在太貴了,而咁啱EGL又攪個快閃PACKAGE優惠,誤打誤撞嘅情況下,我哋買咗一套CX日本名古屋直航連2晚酒店住宿,一個人$2700 (連稅加埋約$3500),比起單買機票都抵。而且立山黑部一直都係我哋想去嘅地方之一,所以超期待。

不過,開始搵資料時就發現市面上資料好少,而且好散,網上都唔多。大家PLAN PLAN下都開始想放棄,諗住到時見步行步。 原本好想住白川鄉、立山室堂等地方,可是係日本租民宿一D都唔易,而且又要就交通、時間,所以唯有放棄了。

最後我們的行程如下:
5-10-2013        香港 à 名古屋
                        住:名古屋榮紀洲鐵道酒店 (PACKAGE已包)









6-10-2013        名古屋 à 大恆 à 名古屋
                         住:同上
  說實話,名古屋真係無咩嘢行,所以我哋臨時即興加插大恆嘅行程。反而離開名居屋更有驚喜。


7-10-2013        名古屋 à 下呂 à 飛驒古川 à 高山
                         住:Hida Takayama Washington Hotel Plaza
  計過度過,由於日本交通費實在太貴,所以我哋最後決定暫時租車(好彩又比我   哋租到,仲可以係高山我哋入住酒店樓下還車^^),而2個人租車竟然都比坐JR平少少。另外,由名古屋出發沿途都係河川,風景真係好靚同好舒服。最重要係唔駛搬行李同追火車囉!
注意:如要在高山還車,就只有TOYOTA一間租車公司可用。






8-10-2013        高山 à 白川鄉 à 高山
                        住:同上
原本呢日都係想租車去白川鄉,可惜由於高山祭關係,D車已經租晒(當地只有一間TOYOTA及一間不記得名字嘅租車公司)。另外,坐飛濃巴士要預定,係唔知點算嘅情況下,又比我哋遇到一間LOCAL TOUR公司,每日上午、下午都有車前往,包來回,去埋觀景台,最重要係平過飛濃巴士。HAHA… 所以行程順利繼續進行 ^^
在高山的LOCAL TOUR公司,除咗白川鄉TOUR外,還有上高地同擇蘋果,價錢都好合理。


LOCAL TOUR個GUIDE好細心預備咗大大隻飛驒BOBO比大家影相 :)





好好味的A5飛驒和牛 XD





9-10-2013        高山 à 金澤
                        住:APA Hotel Kanazawa-Ekimae
今日依然係高山其實就只有一個原因,就係一年兩度的高山祭。其實能夠參與高山祭實在好興奮,但可惜最後因為打風同落雨而被迫取消真係令人好失望,但都無辦法。旅程就是這樣吧,你越刻意,往往就越難預計,不過都係一種經歷吧!








由豬谷往金澤火車



10-10-2013      金澤 à 富山
                        住:APA Villa Hotel Toyama-Ekimae
金澤市場刺身真係平靚正,不過唔好睇旅遊書指引(營業至下午六點),同築地一樣要早去先有得食好野。
仲有金澤有架觀光車都唔錯,平而且可以慳唔少腳骨力。











11-10-2013      富山 à 立山黑部 à 松本
                        住:Toko City Hotel Matsumoto
是次行程最重要嘅必到地方,室堂真係好靚,我相信晚上整個天空都係星星,如果可以住一晚就更加好了。
另外,在松本可以買到信濃蘋果汁,真係好好味^^



這是雷鳥!





好清甜嘅山水呢!








夜遊松本城




12-10-2013      松本 à 名古屋 à 香港

日本中部國際機場真係好大,不過不至於旅遊書介紹可以行半日囉。另外,喜歡買日本化妝品嘅女士真係唔好浪費時間係市區買,因為機場入面免稅店仲平,而且仲唔駛日日攞住搬酒店。(我係其中一個傻人>.<)

留言

這個網誌中的熱門文章

2014 HOLA MEXICO - DAY 2 MEXICO CITY

2014 HOLA MEXICO - DAY 6 XOCHIMILCO

童年回憶 - 小洲,廣州