2014 HOLA MEXICO - DAY 1 MEXICO CITY

每次同人講話要去墨西哥，個個都同我講叫我小心。就連喺美國去機場途中，當司機知道我要去墨西哥時都只係同我講咗句”GOOD LUCK”，都唔好話唔擔心。喺香港要搵介紹墨西哥嘅書可以話一本起兩本止，而且內容更加… 最後，唯有搵討論區上嘅資料，相信各位背包客嘅資訊先至係王道。

到達墨西哥機場，當然是要經過一輪入境程序。初時都會有少少擔心，可是入境處人員十分友善，還用流利英語同我對答，最後他問我識唔識西班牙文。我當然老實回答他我完全唔識，然後他竟然變得認真地祝福我，並對我說了一句“GOOD LUCK”。這是我有生以來第一次一日之內有兩個陌生人向我說 “GOOD LUCK”，內心裡真心開始感到害怕。

討論區嘅資訊是在禁區內換$匯率較好，喺唔知禁區後嘅狀況下，所以我都係先換$，以免離開禁區才後悔就太遲了。換了$，我嘅心情都變得好好多。但一出禁區… 噢！大堂竟然有一連串嘅找換店，而且匯率當然比禁區入面好>.< (雖然少少錢，但我是背包客呀~~~~~ 相信大家會明我的)

錢換好，下一步當然係出市區，搵我預先BOOK好嘅HOSTEL。但資訊不多嘅情況下，我只知道一係的士，一係地鐵。的士要先搵的士公司幫你安排，然後直接於該公司付款，否則一定被騙；地鐵，要轉好多次車先到目的地，拖住行李都真係有少少煩。所以唔憤氣嘅我開始周圍眼望望，而且竟然比我見到有巴士。我當然即刻囉出HOSTEL地址比警察幫手啦(機場有好多警察，周圍都係，個個有槍，所以應該好安全)。我問果個警察佢唔識英文，但佢超NICE(AND靚仔)，即刻幫手叫另一個識少少英文嘅同事幫我。最後，差唔多附近嘅警察都走晒過嚟幫我研究巴士到唔到，同埋教我買車票，利害！

由機場去HOSTEL坐METRO BUS 30蚊位。而且相信墨西哥嘅巴士分分鐘可能係世界上最安全嘅巴士，因此巴士上上唔只有司機，仲有著埋被彈衣嘅警察叔叔。當然警察叔叔亦樂於幫助，雖然英文不通，但身體語言都足以表達我要落車嘅站。

HOSTEL就在廣場則，SETTLE之後，在COMMON ROOM遇見一個MEXICO青年。 MEXICO青年係FROM CHIHUAHUA，佢用流暢英文同我講早上發生地震，而且都很強烈 

>.< 哈哈，原本我都頗為擔心，但因為他嘅手舞足蹈嘅表達方式，卻竟然為我帶來歡樂。