2014 HOLA MEXICO - DAY 5 TAXCO

墨西哥入面有有個小鎮叫TAXCO,又名銀城。叫得銀城,原因估到估到當然因為小鎮有數個銀礦,盛產銀器。不過,這個銀城值得去嘅原因唔係因為銀,而是佢嘅地形及當地人生活嘅模式。TAXCO係一個依山而建嘅山城,有少少似台灣嘅九份,不過TAXCO沒有九份嘅商業味,而是一種簡單純樸嘅風貌。



 依山而建嘅城市,除了佈滿充滿歷史價值嘅民居,簡潔嘅教堂外,在山頂上還有一座寧靜嘅耶穌山,可遠眺整個山城。而要上耶穌山,路是十分斜而且窄,要行真係唔知行幾耐。我當然不會咁傻走去行山(旅行最緊要留番D腳骨力,而且重點不是自然風光,因此不太值得走上去)



在交通方面,巴士是不能行走山城上嘅小路,只有疏落嘅小巴及當地十分普遍方便嘅白色古董甲蟲車。對,係古董甲蟲車,而且一定係白色。一架架被改裝過嘅兩門白色甲蟲車(入面除司機,竟然仲可以坐四、五個人=.=”),穿梭於山城上嘅大街小巷,真係好似置身係童話世界裡,甚至令人真係懷疑全世界嘅白色甲蟲車係唔係都去晒TAXCO呢個地方。乘坐甲蟲車上山、下山實在是一個令人難忘嘅經歷,山路窄小,部分小路更每次只能容許一架車經過,但唔知經過幾耐嘅訓練,個個司機都充滿默契,你讓我、我讓你,好有效率將客人送到目的地,其實真係一D都唔簡單。而作為一個乘客,講真,我覺得有D似玩過山車,險象環生,實在刺激。


白色古董車收費合理,像坐的士一樣可隨意截車,不過上車要前先與司機講目的地及議價。其實一直以來,我去旅行最怕要用議價方式坐車,心裡總覺得自己會被騙(特別是越南,次次都唔係1550,就係誇張到無端端多個零;唔議價的話,就可以由15分鐘車程變50分鐘,當然價錢實在嚇死人)。因此,議價前我都會先向路人打聽下收費,比人呃都唔好呃太多MA,做水魚感受一D都唔好受,而且仲會有機會影響旅行心情。由於言語不通,因此我早已準備紙筆,在地圖上(於長途巴士站取,十分簡陋,只是MARK了主要景點而已)指出要去嘅地方,再寫下價錢,問司機是否OK。但司機竟然向我SAY NO,我在疑惑之際,佢竟然將我價錢刪去,再寫出一個比原先更低嘅價錢,”WHAT!!!”我是否睇錯?簡直出乎意料之外。 當地人嘅誠實實在另我驚訝(邊個成日同我講墨西哥好危險?咩罪惡之城,哼!) ,或者是因為他們個個都有信仰,又或者是因為這個地方還未有被大量遊客洗禮,但這實在是難能可貴,願這種美德能夠延續,不要消失。(由於近年墨西哥政府開始著力處理當地治安問題,以吸引旅客,我相信TAXCO這個地方不久便會淪陷了>.<)




TAXCO除了教堂、甲蟲車、古色古香嘅民宿、充滿歷史嘅民居、耶穌山、銀礦之外,其實還有美食和纜車(纜車其實是通往一間RESORT,纜車車費頗貴,而且無咩特別,加小小舊同危險,所以除非好鍾意坐纜車,否則真係唔建議去搭)。山城入面有各式各樣嘅餐廳及咖啡店,輕輕鬆鬆坐下,望住山城景色真係美好的一天。不過,喜歡穿梭小街嘅我,竟然無意中比我搵到位於街市入面嘅熟食市場。熟食市場全部都係小店形式,有不同嘅墨西哥地道美食,而其他一間竟然有朱古力雞,一埸嚟到墨西哥唔係唔試呀?說實話,我比較鍾意用有趣去形容佢嘅味道XP,有朱古力味,但又唔甜,又唔苦,有機會一定一定要試。


街市入面有不同店舖,肉檔、菜檔、生果檔,最重要是比我搵到糖果店。大大包墨西哥糖,還有小朋友最愛紙紮公仔(墨西哥節慶時,會將糖倒滿入紙紮公仔,然後小朋友將紙紮公仔打破,再分享裡面嘅糖)。墨西哥糖同我哋一般香港人,甚至大部分地球人嘅理解會有小小分別。糖,我們一般人想起都是,但墨西哥小朋友會告訴你糖係。墨西哥人好辣果然係自小培養,食糖都要食辣=.=”。喺唔係一般人能夠接受嘅味精,墨西哥糖卻是我姐姐嘅最愛(佢嘅另一最愛係納豆),唯有幫佢大手買入。

豐富嘅一天遊,原定黃昏前離開,但去到車站巴士竟然FULL了,不過好彩還買到下班車車票。但是這絕對不可惜,因為我沒想到天黑的銀城真是好像佈滿了反光嘅銀,在山上閃爍,美麗得讓人不捨。TAXCO嘅夜景為我充實的一天畫上完美的句號,我相信意外收獲往往就是背包客最美麗嘅回憶。






小記:TAXCO有銀城之稱,當然有許多銷售銀器的商店,而間間店舖就算是賣嘅嘢一樣,但價錢都可以相差好遠,有好平亦有有貴,如非專家亦不知真偽,所以建議有心買嘅旅客就行多兩間比較下價錢,望清有沒有刻上「925(當然有都唔代表一定真),最後就係隨心啦。另外市中心亦有一些旅遊大使,可以協助解答問題(好多都識英文),不過佢哋最重要嘅工作是介紹你去佢哋認識嘅銀店^^

留言

這個網誌中的熱門文章

2014 HOLA MEXICO - DAY 2 MEXICO CITY

2014 HOLA MEXICO - DAY 6 XOCHIMILCO

童年回憶 - 小洲,廣州